தலைவர் பதவிக்கு பவர் ஸ்டார் சீனிவாசன் போட்டியா?

கடவுளே காப்பாற்று என்று கூட்டு பிரார்த்தனை செய்தாலும் கொசுக்கடி தீராது போலிருக்கிறதே... இப்படி மொட்டையாக புலம்பினால் எப்படி என்பவர்கள் பின்வரும் செய்தியை படித்து ஃபயர் என்ஜினுக்கு போன் செய்து அதில் வரும் வாட்டரில் குளித்தால்கூட தப்பில்லை. தமிழ் திரைப்பட தயாரிப்பாளர் சங்கத்திற்கு தேர்தல் நடைபெற இருக்கிறது. வருகிற 9-ந் தேதி பிலிம் சேம்பர் வளாகத்தில் நடக்கிறது தேர்தல். எஸ்.ஏ.சந்திரசேகரன் ஒரு அணியாகவும், கேயார் ஒரு அணியாகவும் நிற்கிறார்கள். வேடிக்கை என்னவென்றால் பவர் ஸ்டார் சீனிவாசனும் தனி அணியாக ஒன்றை அமைத்துக் கொண்டு தலைவர் பொறுப்புக்கு போட்டியிடுகிறார். தமிழ் திரைப்பட வரலாற்றில் 200 நாட்களை தாண்டி ஒடுகிறது ஒரு படம். அது 'லத்திகா'. ஒரே நாளில் பத்து படங்களில் நடிப்பதாக விளம்பரம் வேறு செய்கிறார். இப்படி மனசாட்சியே இல்லாமல் மங்காத்தா ஆட்டம் போடும் சீனிவாசன், எனக்கு ஜோடியாக ஐஸ்வர்யராய் நடிப்பாங்களா என்று அடுத்த கல்லை தூக்கி போடும்போதெல்லாம் ஏதோ காமெடி பீஸ் என்றுதான் நினைத்திருந்தது கோடம்பாக்கம். இப்போது தேர்தலிலும் குதித்து தினந்தோறும் கேன்வாசிங்கும் செய்து கொண்டிருப்பதை பார்த்து அழுவதா சிரிப்பதா என்பதே புரியாமல் அதிர்ந்து போயிருக்கிறார்கள் ஏரியாவில். அடடே...! வர வர இவுரு இம்ச தாங்கலப்பா சாமி......